ZOG

Den Zog, dee gréisste klengen Draach, ass ëmmer äifreg bei der Saach, wann et an der Draacheschoul drëm geet, fléien, brëllen oder Feier späizen ze léieren. Dobäi bleiwe kleng Accidenter allerdéngs net aus. Mee wien ass dat geheimnisvollt klengt Meedchen, dat him grad ëmmer dann zu Hëllef kënnt? A kann hatt him wierklech bei där allerschwieregster Aufgab weiderhëllefen, nämlech eng Prinzessin ze entféieren?
Mat alle Bëlsen, bloe Plazen a senger Entschlossenheet ass den Zog en onvergläichlechen, léiwen Held an dëser wonnerbar amüsanter Geschicht vum Julia Donaldson an Axel Scheffler, bekannt duerch hiren De Grüffelo. D’Martine Schoellen huet nieft De Grüffelo an Dem Grüffelo säi Kand och den ZOG iwwersat.