Déi dräi Béis

All gudder Déng sinn dräi an dofir dreiwen an dësem Buch net just een, mee gläich dräi Béiser hiert Onwiesen. Den Troll, d’Hex an de Geescht, ee méi onmanéierlech, ongeheierlech a schrecklech wéi deen aneren. Fir erauszefannen, wie vun deenen dräi da wierklech de Béisten ass, fuerdert déi kleng wäiss Maus si eraus: Wie packt et, dem Meedche säi blo getëppelt Schnappech ze schuppen? Den Troll versicht et ze erschrecken, de Geescht geeschtert an d’Hex probéiert et mat hannerlëschtegen Zaubertricken. Mee esou séier léisst sech d’Meedchen net vun hire schlechte Manéiere beandrocken...