D’Gare vu Belval

„Zu Belval ass vill, vill Plaz. Esou vill, datt eng grouss Këscht drop passt. An nach eng Këscht …“ Esou fänkt dës Geschicht un. Rieds geet vun där neier Gare, déi no de Pläng vum Architekt Jim Clemes zu Belval gebaut gëtt. Beschriwwe gëtt all Schrëtt, vun der Gebuert vun der Iddi bis zum fäerdege Gebai. Den Text vum Michel Clees ass a Versform geschriwwen an déi faarweg Illustratioune vum Annick Sinner maachen de Kanner ewéi den Erwuesse Loscht op d’Liesen. En ausféierleche Glossaire um Enn vum Buch gëtt e méi déiwen Abléck an déi technesch Detailer vum Belval-Projet.